Мир
Apple представит новые планшеты iPad на презентации 7 мая
Главная » НОВОСТИ » Общество » Нохчийн Республикин Парламентан Председателан Даудов Мохьмадан Нохчийн меттан денца доьзна декъалдар
Нохчийн Республикин Парламентан Председателан Даудов Мохьмадан Нохчийн меттан денца доьзна декъалдар
25.04.2019 14:29
Нохчийн меттан денца доьзна Нохчийн Республикин Парламентан Председателан, Россин Турпалхочун Даудов Мохьмадан декъалдар
Лараме Ахьмад-Хьаьжин Рамзан! Хьомсара махкахой!
Нохчийн Республикин Парламентан депутатийн а, сайн а цIарах ас даггара декъалдо шу Нохчийн меттан денца! Вайна массарна а уггаре а мехалчех цхьа дезде ду хIара. ХIунда аьлча, вайна беза вайн ненан мотт, цунах дозалла а до вай.
Нохчийн халкъан башхаллин дIакъасталур доцу дакъа ду ненан мотт, вайн бIешерийн Iадаташ а, гIиллакхаш а, ламасташ а, хьал долу истори а, культура а санна.
Нохчийн Республикин хьалхарчу Президента, Россин Турпалхочо олура: «Мотт ца хилча, къам а ца хуьлу». Регионан куьйгалло оьшуш мел дерг до ненан мотт Iалашбарехьа а, кхиорехьа а.
Нохчийн Республикин Парламенто 2007-чу шарахь тIеийцира «Нохчийн Республикехь меттанийн хьокъехь» долу закон. Цуьнан Iалашо ю къоман уггаре а мехала билгало а, Нохчийн Республикин халкъан ерриге а культурин бух а болу нохчийн мотт Iалашбарна а, кхиорна а гIайгIабар. Оццу шарахь Нохчийн Республикин Куьйгалхочун, Россин Турпалхочун Кадыров Ахьмад-Хьаьжин Рамзанан Указаца юкъадаьккхира Нохчийн меттан де.
Тахана республикехь нохчийн маттахь передачаш йо телевиденехь а, радиохь а. Зорбатухуш ду газеташ, журналаш, арахоьцуш ю книгаш. Вай дозалла дан деза вайн ненан маттахь паргIат къамелаш дан, ненан мотт кхио маршо хиларх.
Ас шу дерриге а даггара декъалдо Нохчийн меттан денца! Лаьа шу дерриге а ирсе дехийла, шун массо а хIуманна тIехь аьтто хуьлийла, дахар беркате, зовкхе хуьлийла».
Нохчийн Республикин Парламентан Председатель Даудов Мохьмад
Все права защищены. При перепечатке ссылка на сайт ИА "Грозный-информ" обязательна.
Нашли ошибку в тексте? Выделите ее мышкой и нажмите: Ctrl+Enter
Поделиться:Также в разделе «Общество»:
- 25.04.2024 / 15.02
- Открываются пункты оценки для участников программы «Время героев»
- 25.04.2024 / 14.34
- РЖД запустили первый вагон-спа с инфракрасной сауной
- 25.04.2024 / 14.29
- Стартовало строительство нового физкультурно-спортивного комплекса в городе Урус-Мартан
- 25.04.2024 / 14.26
- В День открытых дверей Чеченский педколледж посетили обучающиеся школ
- 25.04.2024 / 12.42
- Аналитика МегаФона: интерес к изучению родного языка в Чечне продолжает расти