Галанч1ожан к1оштахь 230 км некъаш даьхна, кеста 123 км газан бирг1анаш а йохкур ю

14.11.2021 11:02

Жигара дӀахьо ГаланчӀожан кӀошт меттахӀотторан белхаш, терго, коьртачу декъана, некъаш дахарна тӀе а хьажош. Иза билгалдаьлла и кӀошт кхиорна лерина дӀаяьхьначу кхеташонехь.

Куьйгаллехь Кадыров Рамзан а волуш хиллачу цигахь бовзийтина оцу декъехь хӀинцале а бина болх - 230 км некъаш дахар.

МеттахӀотточу кӀоштан некъийн инфраструктура кхолларна 1 млрд 650 млн гергга харжа йина.

Цул сов, кеста дӀаболор бу цига газан 123 км биргӀа йигаран болх а, кӀоштана токаца кхачояр а.

Иштта, бахархой баха хьалабахаре терра, цигахь Ӏедало социальни объекташ ян йолор хилар а хаийтира Нохчийчоьнан Куьйгалхочо.

_{Все права защищены. При перепечатке ссылка на сайт ИА "Грозный-информ" обязательна.}