Соьлжа-ГӀалахь ечу цхьамогӀа объекташкахь хилира Кадыров Рамзан

30.11.2021 14:14

Дукхахьаштийн "Минутка" комплекс а, "Минутка" майданахь маьждигах а, 16 гӀат долчу цӀийнах а лаьтта архитектурин ансамбль а, пачхьенна юккъехь керла микрорайон а яран майданашка кхечира республикин Куьйгалхо.

"Гина сурт чӀогӀа тайра суна. Вайн гӀишлошъярхой баккхий говзанчаш бу. Дика мел долу дош шайх лаьцна ала хьакъ а бу уьш. ТӀаьххьарчу шерашкара гайтамаш Ӏаламат баккхий лара богӀу!", - хаийтира цо.

Иштта, Кадыров Рамзана билгалдаккхарехь, Соьлжа-ГӀалахь, шайн дукхалло цеце а воккхуш, дӀахьош бу дуккха а гӀишлошъяран белхаш: спортан комплексаш, администрацин гӀишлош, махлелоран а, самукъадаккхаран а туьшаш, социальни объекташ а, дукхапетарийн цӀийнаш а ду деш.

_{Все права защищены. При перепечатке ссылка на сайт ИА "Грозный-информ" обязательна.}