Сб, 03 июня, 05:20 Пишите нам






* - Поля, обязательные для заполнения

rss rss rss rss rss

Главная » НОВОСТИ » НОХЧИЙН МОТТ » Къуръан дешарехь тоьлларш къастийра

Къуръан дешарехь тоьлларш къастийра

10.02.2022 16:44

Мухьаммад Пайхамар (Делера салам-маршалла хуьлда цунна) стигланашка ваьккхина бутт, шена чохь тIемаш бар дихкина, бусалба нехан сийлахь бутт бу Ражаб. Оцу беттан ларам а беш, Къуръан дешаран конкурс дIайаьхьира Гуьмсан кIоштахь.

Фото с сайта: daymohk-gazet.ru

Цигахь дакъалоцуш бара оцу кIоштарчу маьждигашкахь йолчу хьуьжаршкара дешархой.

Жюрин декъашхошна йукъахь вара Гуьмсан кIоштан къеда Абдулмуслимов Амир а, Керлачу-Бенан маьждигехь йолчу хьуьжаран хьехархо Раупов Урфониддин а, Раупов Iабдулмумин а.

Къуръан нийса дешарал сов, кхиболу бехкамаш а бара ларбан безаш.

Иза дешна ваьллачуьнга, жюрин декъашхоша таджвид (Къуръан нийса деша Iамош йолу бакъонаш) а, элпийн сибаташ а хоьттура. Цул сов, жюрис тидаме оьцура конкурсантийн Къуръан дешаран мукъам.

– Делан къинхетам бу вайн бераш Къуръан деша лууш, хууш хилар. Цхьа а шеко а йоцуш, беркате тIаьхье йу иза. Вайн республикин Куьйгалхочо Кадыров Рамзана йоккха терго латтайо кегийрхошна бусалба дин Iаморехь тхуна массо а агIор гIо дарна тIехь. Мел кIезиг а, хIора а бусалба стаг ламаз дар, марха кхабар доцург, Къуръан деша хууш хила везаш ву. Тахана кхузахь дIахьош йолчу конкурсехь дакъалоцуш дуккха а бераш ду. Ма йоккха йал йу иза, оцу берашна а, церан хьехархошна а, церан дай-наношна а, – элира Абдумуслимов Амира.

ХIораммо а, кхачам боллуш, дика дийшира Къуръан. Шайн хьуьжаршкахь а тоьллачарах бара уьш.

Делахь а, билгалваккха везаш вара кхо толамхо. Иштта, жюрин хьесапца хьалхара меттиг йаьккхира Терекбаева Зафирас (Дарбанхи), шолгIа меттиг – Мулаев Мохьмада (Мелчхи), кхоалгIа меттиг – Ильясов Хас-Мохьмада (Керла-Бена).

Вегиева Макка

Источник: газета "Даймохк"

Все права защищены. При перепечатке ссылка на сайт ИА "Грозный-информ" обязательна.

Нашли ошибку в тексте? Выделите ее мышкой и нажмите: Ctrl+Enter

Поделиться:

Добавить комментарий




Комментарии

Страница: 1 |